• Շատակերության էպիզոդը

Բուլիմիայի գլխավոր հատկանիշը շատակերություն-մաքրում ցիկլն է (binge purge cycle): Շատակերության էպիզոդները իրենցից ենթադրում են կարճ ժամանակի ընթացքում (օրինակ 2 ժամ) սննդի մեծ քանակի ընդունում, որը նորմալ չէր համարվի սովորական մարդու համար։ Շատակերության էպիզոդների ժամանակ անհատը հաճախ զգում է, որ չի կարողանում կառավարել իր շատակերությունը։ Բուլիմիայով տառապողների մոտ նաև նկատվում է ամոթի զգացում իրենց շատակերության վերաբերյալ, ուստի հաճախ այդ էպիզոդները թաքուն են տեղի ունենում։ Շատակերությունը կարող է տարբեր պատճառներով սկսել, ինչպես օրինակ լարվածություն, բացասական զգացմունքներ, ինչպես նաև պարապությունից։

•  «Մաքրումը» / Purging

Քանի որ բուլիմիայով տառապող մարդիկ ունեն գիրանալու ծայրահեղ վախ, շատակերությունից հետո նրանք փորձում են «ազատվել/մաքրվել» ընդունված սննդից, որպեսզի քաշ չհավաքեն։ Սննդից մաքրումը իրականացվում է տարբեր միջոցներով։ Սննդից ազատվելու ամենատարածված միջոցը փսխումն է, որը կարող է բերել քայքայված մատների մաշկի, քայքայված ատամների, չոր/դեղնած տեսք ունեցող մաշկի, թափվող մազերի, ինչպես նաև կերակրափողի վնասվածության։ Օրինակ ՝ մարդիկ ովքեր սնվելուց հետո հաճախ սանհանգույցն են այցելում, թաքուն փսխելու համար հնարավոր է, որ տառապում են բուլիմիայից։ Տարածված են նաև լուծողական դեղամիջոցների օգտագործումը, fasting-ը, ինչպես նաև ինտենսիվ ֆիզիկական աշխատանքը։

• Ինքնագնահատականի հետ կապված խնդիրներ

Բուլիմիայով տառապող մարդիկ, նման անորեքսիայից տառապող մարդկանց, ունեն գիրանալու ծայրահեղ վախ։ Թեև բուլիմիյա ունեցող մարդկանց մեծամասնության քաշը նորմայի սահմաններում է, իրենք իրենց ինքնագնահատականը հաճախ կապում են իրենց քաշի և մարմնի տեսքի հետ և ունեն նիհարելու մեծ ցանկություն։

​​